هیچ محصولی در سبد خرید نیست.
قاییت
گؤی‌قانیق‌یاسلى‌شه‌هر، بوردا سوسوزلاندی قاییت
آلیشان سئوگی اورک‌لر،ایچی بوزلاندی قاییت
بیری جایناق آتاراق ، قان سومورور هر یئردن
بیری اوولاق گؤره‌رک، شهری قودوزلاندی قاییت
غیرت اولدوقجا اویونجاق، حایاسیزلیق الینه –
چوخ ده‌یرسیزجه‌سی اینسانلیق اوجوزلاندی قاییت
اسکی‌لر چیگندن آسیق، بیرجه سیلاح ناموسودو
ايندى‌چیگنلرده‌توفنگ،چؤندو قوپوزلاندی قاییت
کیمی‌هئچ‌الده‌دایانمیر،دیبده‌دورماق نه‌دی‌کی:(۱)
هامی‌لار هر یئته‌نه،بوردا خوروزلاندی قاییت
یاشامین‌دیل-دوداغی‌قوپ-قورو بورکوک بو یئریم-
بیرایچیم‌خوش‌گونه باخ،هامی‌سوسوزلاندی قاییت
بهزاد بیات فرد
___
ایاق یازی:
١_آتالار سؤزو:الده دیبده دایانمیر=بیر یئره بند اولمور
